26 сакавіка 2025 года кафедрай лінгвістычных дысцыплін і міжкультурных камунікацый эканамічнага факультэта была арганізавана ўніверсітэцкая (міжфакультэцкая) алімпіяда па беларускай мове.
У алімпіядзе прынялі ўдзел студэнты 1 курса эканамічнага, архітэктурна-будаўнічага і машынабудаўнічага факультэтаў. Алімпіяда складалася з 10 заданняў па розных раздзелах беларускай мовы: фанетыцы, арфаэпіі, арфаграфіі, словаўтварэнні, лексікалогіі, фразеалогіі, марфалогіі, сінтаксісе і культуры маўлення (максімальная колькасць балаў – 70).
Я.Р. Самуйлік, кандыдат філалагічных навук, дацэнт, пры падрыхтоўцы і правядзенні гэтага вучэбна-метадычнага мерапрыемства кіраваўся наступнымі мэтамі: забяспячэнне студэнтаў якаснымі ведамі, навыкамі і ўменнямі выкарыстання моўных сродкаў сучаснай беларускай мовы ў прафесійна арыентаванай дзейнасці; фарміраванне і засваенне сістэмы нормаў сучаснай беларускай літаратурнай мовы ва ўмовах беларуска-рускага і руска-беларускага білінгвізму; павышэнне агульнай моўнай культуры і ўменняў і навыкаў прафесійнага маўлення будучых спецыялістаў; развіццё пачуцця нацыянальнай самасвядомасці на аснове павагі да роднай мовы як найвялікшага скарбу ў культурна-гістарычнай спадчыне беларускага народа.
Алімпіяда па беларускай мове стала значнай падзеяй у жыцці студэнцкай моладзі. Радуе тое, што нашы студэнты цікавяцца складанымі пытаннямі правапісу, граматыкі, лексікалогіі і фразеалогіі роднай мовы.
Віншуем пераможцаў алімпіяды:
Нагорную Ганну (ЭФ, 1 курс, гр. Л-24) – І месца;
Бойка Міраславу (ЭФ, 1 курс, гр. Л-24) – ІІ месца;
Антончык Аляксандру (АБФ, 1 курс, гр. БГІ-365) – ІІІ месца;
Верамейчука Віталія (АБФ, 1 курс, гр. БГІ-365) – ІІІ месца.
